O día 1 de abril de 2025 localicei na Biblioteca Nacional un documento do 11 de xaneiro de 1469 en que o mosteiro de San Salvador de Asma afora a Johan Monteiro e a súa dona Elvira o lugar de A Mámoa, na parroquia de Merlán (Chantada). O documento foi outorgado ante o escribán real e notario público Alfonso de Moure.
Para comprobar se aínda existía o enterramento, recurrín á tecnoloxía LIDAR, e a sorte acompañoume. A uns 250 metros en liña recta, ao norte de Merlán, localicei unha mámoa que, despois de comprobalo no Catastro, o terreo aínda conserva o nome de A Súa Mama, clara variante de mámoa, que se pode corresponder coa do documento.
O achado xa foi comunicado ao Servizo do Patrimonio Cultural da Xunta de Galicia en Lugo para que procedan á súa catalogación.
Coordenadas: x: 602214 - y: 4719789
